El duende burllón
Voi cuntavos una historia que ye verdá que pasó
Corríen tiempos de guerra y a mio güela-y ocurrió
Camín diba del monte a coyer lleña p’atizar
Y pel camín atopó con un pequeñu duende burllón
Qu’un tratu-y ofreció
La lleña que tu xuntes a mi me la tienes que dar
Que yo bien te la voi a pagar
Con riales y yantares qu’a la to casa pues llevar
Mio güela que yera bien probe y de fame sobrada andaba
Dixo que sí, ensin pensar
Y al monte por lleña coló
Pal duende contentar
Tol día nel monte tuvo
Trabayando ensin parar
D’un llau pa otru, xuntando lleña ensin folgar
De vuelta a casa otra vez, nel camín atopó al duende que reclamaba
La lleña qu’acarreaba
Mio güela que s’enfotaba
Diola ensin duldar
¿y qué asocedio?
Que’l duende desapaeció
Y a mio güela nin el xugu
Y la probe que probe yera
Probe quedó, ensin riales, yantares y lleña’l duende la dexó
Pero mio güela que yera bien llista
Y nun se dexaba engañar, otru día que diba pal monte
Col duende volvió atopar
Taba muertu de fríu y queríase calentar
Y mio güela fixo con él un tratu, qu’a la so casa fora atechar
La cocina prendida taba, y ellí podíase quedar
Cuando llegaron a casa, al duende al fueu averó, la tapa llevantó y
al duende a la cocina tiró
La tapa volvió a poner y esti cantar entonó
Nun te fíes de los duendes que de ti s’han de burllar faciendo
tratos contigo que nunca van cumplir
Pero, ai amigu duende burllon, curiáu con quien t’has d’atopar
A les güeles nun debes engañar pos elles la vuelta a too han de dar
Y a ti te la han de xugar.
